Ալեքսանդր Պետրակով․ Հետեւել եմ մեր ֆուտբոլիստների մասնակցությամբ բազմաթիվ ընկերական հանդիպումների
18:12 23 փետրվարի, 2023Հայաստանի ֆուտբոլի ֆեդերացիայի գործադիր կոմիտեի հերթական նիստին ներկա է եղել նաև Հայաստանի ազգային հավաքականի նորանշանակ գլխավոր մարզիչ, ուկրաինացի Ալեքսանդր Պետրակովը։
65-ամյա մասնագետը Գործադիր կոմիտեի անդամներին ներկայացրել է մեկ ամսում կատարված աշխատանքները, պատասխանել է հարցերին և խոսել ծրագրերի մասին:
«Առաջին անգամ հանդիպեցի ՀՖՖ գործկոմի անդամներին։ Բոլորը պատրաստակամություն հայտնեցին օգնել ինձ ցանկացած հարցում։ Շատ դրական տպավորություն ստանա։
Այս ընթացքում հետեւել եմ մեր ֆուտբոլիստների մասնակցությամբ բազմաթիվ ընկերական հանդիպումների։ Վաղվանից սկսելու եմ դիտել Պրեմիեր լիգայի հանդիպումները։ Չարենցավանում հետեւելու եմ «Վան» - «Փյունիկ» հետաձգված հանդիպմանը։
Խաղային օրերը հագեցած են լինելու։ Հիմա արդեն ամեն ինչ կախված է ինձնից, մեր մարզչական շտաբից եւ ֆուտբոլիստներից»,- Պետրակովի խոսքը մեջբերում է ՀՖՖ-ի մամուլի ծառայությունը։
Մարզչական կարիերայի ընթացքում Պետրակովը մարզել է Ուկրաինայի տարբեր տարիքային հավաքականներ։
Պետրակովի գլխավորած Ուկրաինայի Մ-19 հավաքականը 2018 թվականին դուրս է եկել Եվրոպայի առաջնության կիսաեզրափակիչ, իսկ 2019-ին Ուկրաինայի մինչև 20 տարեկանների ազգային հավաքականը Պետրակովի գլխավորությամբ դարձել է Աշխարհի մինչև 20 տարեկանների առաջնության չեմպիոն։
Ալեքսանդր Պետրակովի մարզչական կարիեիան.
«Բուդիվելնիկ» Իվանկով - 1991-1993
«Տորպեդո» Զապարոժիե (մարզչի օգնական) – 1993-1994
ԲԿՄԱ-2 Կիև (մարզչի օգնական) – 1996-1998
ԲԿՄԱ-2 Կիև – 1998-1999
«Սպարտակ» Սումի – 2000
«Վիննիցա» - 2001
«Վիննիցա» (մարզչի օգնական) – 2001
«Դինամո» Կիև (ակադեմիա) – 2002-2005
Իվան Պոդդուբնիի անվան Օլիմպիական քոլեջ – 2006-2010
Ուկրաինայի Մ-16 հավաքական – 2011
Ուկրաինայի Մ-17 հավաքական – 2012
Ուկրաինայի Մ-18 հավաքական – 2013
Ուկրաինայի Մ-19 հավաքական – 2014
Ուկրաինայի Մ-20 հավաքական և Ուկրաինայի Մ-16 հավաքական – 2015
Ուկրաինայի Մ-17 հավաքական – 2016
Ուկրաինայի Մ-18 հավաքական – 2017
Ուկրաինայի Մ-19 հավաքական – 2018
Ուկրաինայի Մ-20 հավաքական և Ուկրաինայի Մ-16 հավաքական – 2019
Ուկրաինայի Մ-17 հավաքական – 2020
Ուկրաինայի Մ-18 հավաքական – 2021
Ուկրաինայի ազգային հավաքական – 2021-2022
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.