Յուրգեն Կլոպ․ Պետք էր 95 րոպե խաղալ այնպես, ինչպես սկզբում ստացվեց
10:27 22 փետրվարի, 2023Անգլիայի փոխչեմպիոն «Լիվերպուլի» գերմանացի գլխավոր մարզիչ Յուրգեն Կլոպը մեկնաբանել է Իսպանիայի չեմպիոն եւ Չեմպիոնների լիգայի գավաթակիր Մադրիդի «Ռեալից» կրած 2:5 հաշվով պարտությունը Չեմպիոնների լիգայի 1/8 եզրափակիչի տնային խաղում։
«Մեր կատարմամբ սկիզբը գերազանց էր։ Դա իսկական «Լիվերպուլն» էր։ Կատարյալ ստացվեց ամեն ինչ։ Առաջին խաղակեսում լավ խաղացինք, չհաշված բաց թողած երկու գոլը։ Երկրորդ խաղակեսում մեր պաշտպանությունը չկարողացավ դիմադրել հակագրոհների ժամանակ գերազանց գործող թիմի։ Պետք էր 95 րոպե խաղալ այնպես, ինչպես սկզբում ստացվեց։
Անչելոտին հիմա կարծում է, որ արդեն նվաճել է քառորդ եզրափակիչի ուղեգիր։ Այս պահին ես էլ եմ այդպես կարծում, բայց երեք շաբաթում շատ բան կարող է փոխվել։ Մենք կմեկնենք Մադրիդ հաղթելու նպատակով»,- Կլոպի խոսքը մեջբերում է ՈւԵՖԱ-ի մամուլի ծառայությունը։
Պատասխան հանդիպումն Իսպանիայում տեղի կունենա մարտի 15-ին։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։