«Ռեալի» եւ ՊՍԺ-ի նախկին հարձակվողը կտեղափոխվի Իտալիա

Մադրիդի «Ռեալի» եւ Փարիզի ՊՍԺ-ի նախկին հարձակվող Խեսե Ռոդրիգեսը կարիերան կշարունակի Իտալիայի առաջնությունում։

32-ամյա իսպանացի ֆուտբոլիստը պայմանագիր կկնքի «Սամպդորիայի» հետ, հաղորդում է twitter.com/NicoSchira-ն։

Խեսե Ռոդրիգեսն այժմ ունի ազատ գործակալի կարգավիճակ։ Նա իտալական ակումբի հետ կկնքի մեկ տարվա պայմանագիր երկարաձգման հնարավորությամբ։

Խեսե Ռոդրիգեսի նախորդ ակումբը թուրքական «Անկարագյուջյուն» էր, որի կազմում էր 2022թ․ հուլիսից՝ 16 խաղում խփելով 5 գոլ, կատարելով 2 գոլային փոխանցում։ Հունվարի 12-ին նա խզել է պայմանագիրը թուրքական ակումբի հետ։