Club World Cup. «Ալ Հիլյալը» հաղթեց «Ֆլամենգոյին» եւ եզրափակիչում է (ֆոտո, վիդեո)

Սաուդյան Արաբիայի «Ալ Հիլյալը» դուրս եկավ Մարոկկոյում անցկացվող ֆուտբոլի աշխարհի ակումբային առաջնության եզրափակիչ։ Տանժերում տեղի ունեցած խաղում «Ալ Հիլյալը» մրցեց բրազիլական «Ֆլամենգոյի» հետ եւ առավելության հասավ 3:2 հաշվով։

Արգենտինացի Ռամոս Դիասի գլխավորած թիմից դուբլի հեղինակ դարձավ Սաուդյան Արաբիայի հավաքականի կիսապաշտպան Սալեմ Ալ Դավսարին։ Երկու գոլն էլ նա խփեց 11-մետրանոցից։ «Ալ Հիլյալի» երրորդ գոլի հեղինակը արգենտինացի հարձակվող Լուսիանո Վիետոն է։

«Ֆլամենգոյից» աչքի ընկավ բրազիլացի հարձակվող Պեդրու Աբրեուն, որը դուբլ ձեւակերպեց։ Բրազիլական թիմը երկրորդ խաղակեսն անցկացրեց 10 ֆուտբոլիստներով։ Առաջին խաղակեսի 8-րդ ավելացված րոպեին երկրորդ դեղին քարտի համար հեռացվեց բրազիլացի կիսապաշտպան Ժերսոնը։

Եզրափակիչի երկրորդ ուղեգիրը փետրվարի 8-ին կվիճարկեն Մադրիդի «Ռեալն» ու Եգիպտոսի «Ալ Ահլին»։

Աշխարհի ակումբային առաջնություն, կիսաեզրափակիչ

 «Ֆլամենգո» (Բրազիլիա) - «Ալ Հիլյալ» (Սաուդյան Արաբիա)՝ 2:3 (տեսանյութ)

Պեդրու Աբրեու, 20, 90+1 - Սալեմ Ալ Դավսարի, 4, 11մ, 45+9, 11մ, Լուսիանո Վիետո, 70