Աշխարհի չեմպիոն Արթուր Դավթյանի ընտանիքում կծնվի երկրորդ երեխան (տեսանյութ)
22:19 7 փետրվարի, 2023Տոկիոյի Օլիմպիական խաղերի բրոնզե մեդալակիր, աշխարհի եւ Եվրոպայի չեմպիոն Արթուր Դավթյանի ընտանիքում կծնվի երկրորդ երեխան: Այդ մասին սոցցանցերում հայտնել է մարմնամարզիկը: Աշխարհի չեմպիոնն ու նրա կինը՝ Անահիտ Շեղունցը փոքրիկ Ալիսայի մասնակցությամբ «գենդեր փարթի» են անցկացրել եւ իմացել երկրորդ երեխայի սեռը: Արթուր Դավթյանը երկրորդը երեխան նույնպես աղջիկ կլինի:
Սպորտային մարմնամարզության Հայաստանի հավաքականի առաջատարի առաջնեկ Ալիսան ծնվել է 2019 թվականի ապրիլի 27-ին:
Դավթյանը «գենդեր փարթին» անցկացնելուց հետո փետրվարի 7-ին Հայաստանի հավաքականի հետ մեկնել է Թբիլիսի, որտեց 14-օրյա ուսումնամարզական հավաք կանցնի աշխարհի գավաթի փուլերի մեկնարկից առաջ:
Հակոբ Սերոբյանի գլխավորած հավակաքանը փետրվարի 21-ից մարտի 5-ը Գերմանիայում եւ Քաթարում կմասնակցի իրար հաջորդող աշխարհի գավաթի փուլերին: Հավաքականի կազմում կլինեն Հարություն Մերդինյանը, Արթուր Դավթյանը, Վահագն Դավթյանը, Արթուր Ավետիսյանը եւ Գագիկ Խաչիկյանը:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։