Եվրոպական ակումբների ասոցիացիայի (ECA) հետ համագործակցության շնորհիվ «Փյունիկ» ֆուտբոլային ակումբի ակադեմիայի մարզիչները փորձի փոխանակման նպատակով կմեկնեն Մոնակո ու կմասնակցեն «Մոնակո» ֆուտբոլային ակումբում կազմակերպվող երկօրյա ինտեսիվ դասընթացին, հաղորդում է ակումբի մամուլի ծառայությունը:
«Սկաուտական ռազմավերության պատանեկան ֆուտբոլում» դասընթացին հայ մարզիչները առաջին ձեռքից կլսեն, թե ինչպես են առաջատար եվրոպական ակադեմիաները ինտեգրել պատանեկան ֆուտբոլի սկաուտական կառուցվածքն ու ռազմավարությունը` պատմելով նաև սեփական փորձի մասին: Բացի դրանից, պատանի դարպասապահների սկաուտական ոլորտի փորձագետները կօգնեն ներկաներին պատկերացում կազմել, թե ինչպես ձևավորել սեփական սելեկցիոն համակարգը:
Դասընթացը հյուրընկալող «Մոնակո» ֆուտբոլային ակումբը հյուրերի համար նաև շրջագայություն կկազմակերպի իրենց ակադեմիայում:
ECA-ի դասընթացին «Փյունիկից» կմասնակցեն մանկապատանեկան ֆուտբոլի զարգացման ծրագրի ղեկավար Աշոտ Ավետիսյանը, կանանց ֆուտբոլի զարգացման գծով պատասխանատու, մարզիչ Մարիա Սախինովան ու մարզիչ Միքայել Խաշմանյանը:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։