Իսպանիայի առաջնության 20-րդ տուրում չեմպիոն «Ռեալը» հյուրընկալվեց «Մալյորկային»։ Իտալացի Կառլո Անչելոտիի գլխավորած թիմը պարտություն կրեց նվազագույն հաշվով։
13-րդ րոպեին սեփական դարպասը գրավեց Արքայական թիմի իսպանացի պաշտպան Նաչոն։
59-րդ րոպեին 11-մետրանոցը չկարողացավ արդյունավետ իրացնել «Ռեալի» իսպանացի հարձակվող Մարկո Ասենսիոն։ Սեյվ կատարեց «Մալյորկայի» սերբ դարպասապահ Պրեդրագ Ռայկովիչը։ Ամբողջ հանդիպման ընթացքում «Ռեալն» այդ մեկ հարվածը կատարեց դարպասին։
«Ռեալը» 45 միավորով երկրորդ տեղում է եւ 5 միավոր հետ է առաջատար «Բարսելոնայից», որը 1 խաղ քիչ է անցկացրել։ Այս տուրում «Բարսելոնան» փետրվարի 5-ին կընդունի «Սեւիլիային»։ Այդ խաղը կմեկնարկի Երեւանի ժամանակով կեսգիշերին։
Իսպանիայի առաջնություն, 20-րդ տուր
«Մալյորկա» - «Ռեալ Մադրիդ»՝ 1:0 (տեսանյութ)
Նաչո, 13, ինքնագոլ
Չիրացրած 11մ՝ Մարկո Ասենսիո («Ռեալ Մադրիդ»), 59
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։