Ռոնալդուն դարձավ 38, Նեյմարը՝ 31 տարեկան

Պորտուգալիայի հավաքականի եւ Սաուդյան Արաբիայի «Ալ Նասրի» հարձակվող Կրիշտիանու Ռոնալդուն եւ Բրազիլիայի հավաքականի ու ֆրանսիական ՊՍԺ-ի հարձակվող Նեյմարը փետրվարի 5-ին նշում են ծննդյան տարեդարձները։ Ռոնալդուն դարձավ 38, Նեյմարը՝ 31 տարեկան։

Ռոնալդուն կարիերայի ընթացքում հանդես է եկել պորտուգալական «Սպորտինգում», անգլիական «Մանչեսթեր Յունայթեդում», Մադրիդի «Ռեալում», Թուրինի «Յուվենտուսում», որոնց հետ նվաճել է 30 տիտղոս, 5 անգամ արժանացել է աշխարհի լավագույն ֆուտբոլիստի «Ոսկե գնդակ» մրցանակին։ Պորտուգալիայի հավաքականի հետ Ռոնալդուն դարձել է Եվրոպայի չեմպիոն եւ Ազգերի լիգայի գավաթակիր։

Նեյմարը ակումբային կարիերայում ՊՍԺ-ից առաջ հանդես է եկել բրազիլական «Սանտոսում», կատալոնական «Բարսելոնայում», նվաճել է 26 տիտղոս։ Բրազիլիայի հավաքականի հետ Նեյմարը դարձել է օլիմպիական չեմպիոն եւ Կոնֆեդերացիաների գավաթի հաղթող։

One of the best players of this generation.

Shares the same birthday as Cristiano Ronaldo.

Happy Birthday, Neymar. pic.twitter.com/9sw9sHJ1Qz

— The CR7 Timeline. (@TimelineCR7) February 5, 2023