«Ալաշկերտի» կազմը համալրել է Հայաստանի հավաքականի հարձակվող Արթուր Միրանյանը, հաղորդում է երեւանյան ակումբի մամուլի ծառայությունը։
27-ամյա ֆուտբոլիստը Դոնեցկի «Շախտյորի» սան է, ներկայացրել է ուկրաինական ակումբի Մ-17 և Մ-19 թիմերը:
Միրանյանը հանդես է եկել նաև մակեդոնական «Վարդարում», Երևանի «Փյունիկում» և «Ուրարտուում»՝ Հայաստանի Պրեմիեր լիգայում խփելով 25 գոլ: Նա «Ուրարտուից» հեռացել էր անցած տարվա հուլիսին եւ ակումբ չուներ։
««Ալաշկերտ» տեղափոխությունը նոր և պատասխանատու մարտահրավեր է ինձ համար, ինչի համար շնորհակալ եմ ակումբի ղեկավարությանը և մարզչական շտաբին:
Նպատակներս հստակ են. «Ալաշկերտում» արդյունավետ խաղ ցուցադրել և վերադառնալ Ազգային հավաքական»,- պայմանագրի ստորագրումից հետո նշել է Միրանյանը:
Փորձառու ֆուտբոլիստը ներկայացրել է Ուկրաինայի Մ-17, Մ-18, Մ-19 հավաքականները, որոնց կազմում հանդես է եկել Հայաստանի հավաքականի նորանշանակ գլխավոր մարզիչ Ալեքսանդր Պետրակովի գլխավորությամբ։
Միրանյանը 8 խաղ է անցկացրել Հայաստանի Մ-21 հավաքականում, ևս 3 խաղ՝ ազգային թիմի կազմում։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։