Իբրահիմովիչը 8 ամիս անց վերսկսել է մարզումները «Միլանի» ընդհանուր խմբում (ֆոտո)

22:17   3 փետրվարի, 2023

Իտալիայի չեմպիոն «Միլանի» 41-ամյա շվեդ հարձակվող Զլատան Իբրահիմովիչը 8 ամիս անց վերսկսել է մարզումները իտալացի Ստեֆանո Պիոլիի գլխավորած թիմի ընդհանուր խմբում, հաղորդում է Sky-ը։ «Միլանը» պատրաստվում է «Ինտերի» դեմ Իտալիայի առաջնության 21-րդ տուրի հանդիպմանը, որը տեղի կունենա փետրվարի 5-ին։

Իբրահիմովիչը խաղադաշտ դուրս չի եկել 2022թ․ մայիսի 22-ից։ Նա ենթարկվել էր ծնկահոդի վիրահատության։

Անցած մրցաշրջանում Իբրահիմովիչը «Միլանի» հետ մասնակցել է 27 հանդիպման, խփել է 8 գոլ, կատարել 3 գոլային փոխանցում։

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։