Չեմպիոնների լիգայի 1/8 եզրափակիչ․ Իբրահիմովիչը չի ընդգրկվել «Միլանի» հայտացուցակում

12:35   3 փետրվարի, 2023

Իտալիայի չեմպիոն «Միլանի» 41-ամյա շվեդ հարձակվող Զլատան Իբրահիմովիչը չի ընդգրկվել իտալացի Ստեֆանո Պիոլիի գլխավորած թիմի հայտացուցակում Չեմպիոնների լիգայի 1/8 եզրափակիչի հանդիպումներին։

«Միլանը» կմրցի Լոնդոնի «Տոտենհեմի» հետ։ Առաջին հանդիպումը տեղի կունենա փետրվարի 14-ին Միլանում։

Իտալական մամուլը գրել էր, որ Իբրահիմովիչը վերականգնվել է ծնկի վնասվածքից հետո եւ պատրաստ կլինի «Տոտենհեմի» դեմ խաղերին։

Իբրահիմովիչն անցած տարվա մայիսին էր ենթարկվել ծնկահոդի վիրահատության։

Անցած մրցաշրջանում Իբրահիմովիչը «Միլանի» հետ մասնակցել է 27 հանդիպման, խփել է 8 գոլ, կատարել 3 գոլային փոխանցում։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։