Ռաֆայել Նազարյան․ Շատ կարևոր է, որ սկսում ենք տնային 2 հանդիպումներով
16:38 2 փետրվարի, 2023Ֆուտբոլի Հայաստանի մինչեւ 21 տարեկանների հավաքականի գլխավոր մարզիչ Ռաֆայել Նազարյանը մեկնաբանել է Մ-21 Եվրո-2025-ի որակավորման փուլի վիճակահանության արդյունքները և խաղացանկը, հաղորդում է ՀՖՖ-ի կայքը։
E խմբում Հայաստանի թիմի մրցակիցները կլինեն Ռումինիայի, Շվեյցարիայի, Ֆինլանդիայի, Ալբանիայի եւ Չեռնոգորիայի հավաքականները։
«Կարելի է ասել, որ հավասարազոր խումբ է՝ առանց շատ թույլ և շատ ուժեղ մրցակիցների: Բոլորն էլ ամուր թիմեր են, իսկ նրանցից երկուսը՝ Ռումինիան և Շվեյցարիան, մասնակցելու են նաև այս տարվա եզրափակիչ մրցաշարին:
Նախորդ մրցափուլում Ֆրանսիան համաշխարհային մակարդակի թիմ էր, իսկ այս խմբում վառ ընդգծված ֆավորիտ չկա:
Շատ կարևոր է, որ սկսում ենք տնային երկու հանդիպումներով: Պետք է փորձենք առավելագույնը քաղել այդ հանդիպումներից: Նաև լավ է, որ հոկտեմբերին արտագնա առաջին հանդիպումը Ռումինիայում է, որը համեմատաբար ավելի մոտ է, և Շվեյցարիայի հետ խաղից առաջ հոգնածությունն ավելի քիչ կլինի:
Օրացույցից ևս գոհ եմ: Սկսում ենք սեպտեմբերին և մինչ այդ ժամանակ կունենանք նոր խաղացողներին տեսնելու ընկերական խաղերում»,- ասել է Ռաֆայել Նազարյանը:
Մ-21 Եվրո-2025-ի որակավորման փուլ, E խումբ
08. 09. 2023թ․ Հայաստան - Ալբանիա
12. 09. 2023թ․ Հայաստան - Չեռնոգորիա
13.10. 2023թ․ Ռումինիա - Հայաստան
17.10. 2023թ․ Հայաստան - Շվեյցարիա
17.11. 2023թ․ Շվեյցարիա - Հայաստան
21.11. 2023թ․ Ֆինլանդիա - Հայաստան
22.03. 2024թ․ Չեռնոգորիա - Հայաստան
26.03. 2024թ․ Հայաստան - Ռումինիա
06.09. 2024թ․ Հայաստան - Ֆինլանդիա
15.10. 2024թ․ Ալբանիա - Հայաստան
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.