Մեսին գերազանցեց Ռոնալդուի ռեկորդը

13:34   2 փետրվարի, 2023

Ֆրանսիայի առաջնության 21-րդ տուրում «Մոնպելիեին» (3:1) խփած գոլի շնորհիվ ՊՍԺ-ի 35-ամյա արգենտինացի հարձակվող Լիոնել Մեսին գերազանցեց Պորտուգալիայի հավաքականի 37-ամյա հարձակվող Կրիշտիանու Ռոնալդուի («Ալ Նասր») ռեկորդը Եվրոպայի առաջատար հինգ լիգաները ներկայացնող ակումբներում խփած գոլերի քանակով։

Մեսին բոլոր ակումբային մրցաշարերում խփել է 697 գոլ։ «Բարսելոնայում» նա խփել է 672, ՊՍԺ-ում՝ 25։ Այս ցուցանիշին հասնելու համար Մեսիին պահանջվել է 835 խաղ։

Ռոնալդուն 696 գոլ է խփել առաջատար լիգաների ակումբներում․ 145 գոլ՝ «Մանչեսթեր Յունայթեդում», 450 գոլ՝ «Ռեալում», 101 գոլ՝ «Յուվենտուսում»։ Ռոնալդուն 919 խաղում է խփել այդքան գոլ։ Նա 5 գոլ է խփել նաեւ Լիսաբոնի «Սպորտինգում», սակայն Պորտուգալիան չի համարվում Եվրոպայի 5 առաջատար լիգաներից (Անգլիա, Իսպանիա, Իտալիա, Գերմանիա, Ֆրանսիա)։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։