Իսպանիայի չեմպիոն եւ Չեմպիոնների լիգայի գավաթակիր «Ռեալի» իտալացի գլխավոր մարզիչ Կառլո Անչելոտին հույս է հայտնել, որ մադրիդյան թիմի վետերաններ Քարիմ Բենզեման եւ Լուկա Մոդրիչը չեն տեղափոխվի Սաուդյան Արաբիա։
«Բենզեման ու Մոդրիչը Սաուդյան Արաբիայո՞ւմ։ Ես կարծում եմ՝ երկուսն էլ ակումբի լեգենդներ են եւ պետք է կարիերան ավարտեն «Ռեալում»։ Նրանք պետք է մնան»,- Անչելոտիի խոսքը մեջբերում է Marca-ն։
Երկու ֆուտբոլիստների պայմանագրերն էլ կավարտվեն հունիսին։ Համագործակցությունը երկարաձգելու վերաբերյալ որոշում «Ռեալի» ղեկավարությունը դեռ չունի։
Բենզեմային եւ Մոդրիչին գրավիչ առաջարկներ կարող են անել Սաուդյան Արաբիայի ակումբները։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։