Արթուր Դավթյանն ու Հարություն Մերդինյանը՝ ԵԱ-ն Երեւանում անցկացնելու մասին

16:14   1 փետրվարի, 2023

Տոկիոյի Օլիմպիական խաղերի բրոնզե մեդալակիր, աշխարհի եւ Եվրոպայի չեմպիոն Արթուր Դավթյանը եւ աշխարհի կրկնակի բրոնզե մեդալակիր, Եվրոպայի կրկնակի չեմպիոն Հարություն Մերդինյանը  ասուլիսում մեկնաբանել են 2027 թվականին Եվրոպայի առաջնությունը Երեւանում անցկացնելու վերաբերյալ եվրոպական ֆեդերացիայի որոշումը։

Աշխարհի չեմպիոն Արթուր Դավթյան

«Իսկապես, շատ ուրախ ենք, որ Հայաստանում է անցկացվելու Եվրոպայի առաջնությունը։ Միշտ հայրենիքից դուրս ենք մասմակցում։ 2027-ին կմասնակցենք մեր երկրում։ Առաջին անգամ է լինելու եւ այն բոլորիս համար շատ կարեւոր է։ Գործիքները,  մարզադահլիճը երկար կծառայեն երիտասարդ սերնդին։ Այս ամենը մեր մարզաձեւի զարգացման համար շատ կարեւոր էր»։

Եվրոպայի կրկնակի չեմպիոն Հարություն Մերդինյան

«Մեծ եւ ուրախալի իրադարձություն է: Վստահ եմ, որ կրկնակի պատասխանատվությամբ կմոտենանք Եվրոպայի առաջնությանը։ Չեմ կարող դեռ ոչինչ ասել իմ մասնակցության մասին։ Եթե լինեմ լավ մարզավիճակում, ինձ այդ տարիքում լավ զգամ, վարժություններս կատարեմ այնպես, ինչպես հիմա եմ կարողանում, գուցե՝ մասնակցեմ:

Բոլորս, երիտասարդներն ու պատանիները գիտակցում են, որ Եվրոպայի առաջնությունը գալիս է Հայաստան եւ պետք է մոտենալ ամենայն պատասխանատվությամբ։ Փորձելու ենք լավագույնս հանդես գալ մեր թիմով»։

Հունվարի 28-ին Եվրոպական ֆեդերացիայի նիստի ժամանակ որոշվել է, որ սպորտային մարմնամարզության 2027 թվականի մեծահասակների Եվրոպայի առաջնությունն անցկացվելու է Հայաստանում՝ Երեւանում:



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։