«Արսենալի» ֆուտբոլիստը վիրահատվել է եւ բաց կթողնի մի քանի ամիս

18:26   31 հունվարի, 2023

Լոնդոնի «Արսենալի» կիսապաշտպան Մոհամեդ Էլնենին աջ ծնկահոդի վնասվածքի պատճառով բաց կթողնի մի քանի ամիս։ 30-ամյա ֆուտբոլիստը վնասվածքը ստացել է իսպանացի Միկել Արտետայի գլխավորած թիմի մարզման ժամանակ եւ վիրահատվել է Լոնդոնում, հաղորդում է «Արսենալի» կայքը։

Եգիպտոսի հավաքականի ֆուտբոլիստն այս մրցաշրջանում «Արսենալի» հետ մասնակցել է 8 հանդիպման, խփել 1 գոլ։

Էլնենիի պայմանագիրն «Արսենալի» հետ նախատեսված է մինչեւ այս մրցաշրջանի ավարտը եւս մեկ տարով երկարաձգելու հնարավորությամբ։

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։