Արման Խաչատրյանն՝ «Ալաշկերտի» խաղացող

«Ալաշկերտի» կազմը համալրել է 25-ամյա աջ պաշտպան Արման Խաչատրյանը, հաղորդում է երևանյան ակումբի մամուլի ծառայությունը։

Նա «Ուրարտուի» սան է, հանդես է եկել «Արարատ-Արմենիայում», «Վանում», «Նորավանքի» կազմում դարձել է Հայաստանի գավաթակիր, «Ալաշկերտ» է տեղափոխվել «Նոայից»:

«Մարզչական շտաբի և խաղընկերներիս շնորհիվ արդեն հարմարվել եմ «Ալաշկերտում»:

Մեծ մրցակցություն, բարձր նպատակներ. Սա այն է, ինչին ես միշտ ձգտել եմ:

Լավ նախապատրաստական փուլ ենք անցնում, ինչը, վստահ եմ, կդառնա մեր ապագա հաղթանակների հիմքը»,- պայմանագրի ստորագրումից հետո նշել է Խաչատրյանը:

«Ալաշկերտի» նորեկը ժամանակին ներկայացրել է Հայաստանի Մ-17 հավաքականը։