«Մանչեսթեր Սիթիի» խաղացողը կտեղափոխվի «Բավարիա»

Գերմանիայի չեմպիոն «Բավարիան» կես տարվա վարձակալությամբ ձեռք կբերի Անգլիայի չեմպիոն «Մանչեսթեր Սիթիի» պորտուգալացի պաշտպան Ժոաու Կանսելուին, հաղորդում է The Athletic-ը։

Մյունխենյան ակումբը հնարավորություն կունենա ամռանը գնել Պորտուգալիայի հավաքականի ֆուտբոլիստի տրանսֆերային իրավունքը։

Ժոաու Կանսելուն անցած տարի էր երկարաձգել պայմանագիրը «Մանչեսթեր Սիթիի» հետ մինչեւ 2027թ․ հունիս։ Աշխարհի առաջնությունից հետո նա կորցրել է տեղը կատալոնացի Խոսեպ Գվարդիոլայի գլխավորած թիմի մեկնարկային կազմում։

Ընթացիկ մրցաշրջանում Կանսելուն «Մանչեսթեր Սիթիի» հետ մասնակցել է 26 հանդիպման, խփել է 2 գոլ, կատարել է 5 գոլային փոխանցում։