Անգլիական «Մանչեսթեր Յունայթեդը» դիտարկում է ամռանը իտալական «Նապոլիի» նիգերիացի հարձակվող Վիկտոր Օսիմենին ձեռք բերելու տարբերակը, հաղորդում է Soccernews.nl-ը։ Գործարքի արժեքը գնահատվում է 100-120 միլիոն եվրո։
24-ամյա ֆուտբոլիստի ծառայություններով հետաքրքված է նաեւ Իսպանիայի չեմպիոն Մադրիդի «Ռեալը»։
Ընթացիկ մրցաշրջանում Օսիմենը «Նապոլիի» հետ մասնակցել է 19 հանդիպման, խփել է 15 գոլ, կատարել 4 գոլային փոխանցում։
Օսիմենը 2020-ին ֆրանսիական «Լիլից» է տեղափոխվել «Նապոլի», որի հետ նրա պայմանագիրը նախատեսված է մինչեւ 2025թ․ հունիս։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։