Տիմուր Ռուդոսելսկին՝ «Ալաշկերտի» խաղացող

12:45   27 հունվարի, 2023

«Ալաշկերտի» կազմը համալրել է ղազախ կենտրոնական պաշտպան Տիմուր Ռուդոսելսկին, հաղորդում է երեւանյան ակումբի մամուլի ծառայությունը։

28-ամյա ֆուտբոլիստը Հայաստանում հաջող մրցելույթներ է ունեցել «Լոռիում», «Սևանում» և «Նորավանքում», որի հետ դարձել է Հայաստանի գավաթակիր։

«Անչափ ուրախ եմ, որ դարձա «դեղին-սև» ընտանիքի մի մասնիկը: «Ալաշկերտում» հիանալի աշխատանքային մթնոլորտ է, տղաներն ինձ շատ լավ ընդունեցին:

Առաջնության երկրորդ հատվածում թեժ պայքար է սպասվում: Մեծ եռանդով և պատասխանատվությամբ պատրաստվում ենք»,- պայմանագրի ստորագրումից հետո նշել է Ռուդոսելսկին:

Նա մի քանի մրցաշրջան է անցկացրել Ղազախստանի «Կայրաթի» կազմում, հանդես է եկել նաև «Օկժետպեսում», «Ժետիսուում», «Կայսարում», Իսրայելի «Հապոելում» (Պետահ Տիկվա)։ Նրա նախորդ ակումբը ղազախական «Թուրանն» էր։

«Ալաշկերտի» նորեկը 16 հանդիպում է անցկացրել Ղազախստանի երիտասարդական հավաքականում, հրավիրվել է նաև ազգային թիմ։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։