Նիդեռլանդների Վեյկ Ան Զեե քաղաքում անցկացվող Tata Steel Masters մրցաշարի 10-րդ տուրում Լեւոն Արոնյանը (ԱՄՆ) սեւ ֆիգուրներով ոչ ոքի խաղաց ռումինացի Ռիչարդ Ռապորտի հետ եւ ամերիկացի Ֆաբիանո Կարուանայի հետ 5,5-ական միավորով կիսում է 5-6-րդ տեղերը։
Աշխարհի չեմպիոն Մագնուս Կարլսենը սեւերով պարտության մատնեց իրանցի Պարհամ Մաղսուդլուին եւ 6 միավորով երրորդն է։ Նույնքան միավոր ունի չորրորդ տեղում գտնվող ամերիկացի Ուեսլի Սոն։
Միանձնյա առաջատարը ուզբեկ Նոդիրբեկ Աբդուսատորովն է, որը վաստակել է 7 միավոր։ Այս տուրում նա սպիտակներով ոչ ոքի խաղաց չինացի Դին Լիրենի հետ։ Երկրորդ տեղում է հոլանդացի Անիշ Գիրին, որը սեւերով ոչ ոքի խաղաց Ուեսլի Սոյի հետ եւ ունի 6,5 միավոր։
Tata Steel Masters-ում կանցկացվի 13 տուր։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։