ISSF Grand Prix. Հայաստանը նվաճեց երրորդ մեդալը (ֆոտո)

18:27   20 հունվարի, 2023

Խորվաթիայի Օսիեկ քաղաքում ընթացող հրաձգության ISSF Grand Prix շարքի երկրորդ մրցաշարում Հայաստանի Բենիկ Խլղաթյան և Էլմիրա Կարապետյան թիմային զույգը 10 մետր օդամղիչ ատրճանակ միքս մրցաձևում դարձավ բրոնզե մեդալակիր, հաղորդում է ՀՁՖ-ի մամուլի ծառայությունը։

Հրաձիգները հաղթահարեցին որակավորման փուլի արգելքը և պայքարի մեջ մտան բրոնզե մեդալի համար։ Երրորդ տեղի համար հայ մարզիկները 17։7 հաշվով առավելության հասան Վրաստանի թիմի նկատմամբ։

Հայաստանը մեդալային հաշվարկում ISSF GRAND PRIX (Ռուսե, Սլովենիա) մրցաշարում 9-րդ տեղում է , իսկ ISSF GRAND PRIX (Օսիեկ, Խորվաթիա) մրցաշարում այս պահի դրությամբ 6-րդն է։

ISSF GRAND PRIX (Ռուսե, Սլովենիա). օդամղիչ ատրճանակ 10մ միքս - Բենիկ Խլղաթյան / Էլմիրա Կարապետյան - արծաթե մեդալ

ISSF GRAND PRIX (Օսիեկ, Խորվաթիա). օդամղիչ ատրճանակ 10մ միքս - Բենիկ Խլղաթյան / Էլմիրա Կարապետյան - բրոնզե մեդալ

ISSF GRAND PRIX (Օսիեկ, Խորվաթիա). օդամղիչ ատրճանակ 10մ տղամարդկանց պայքար- Բենիկ Խլղաթյան - բրոնզե մեդալ



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։