AusOpen. Կարեն Խաչանովը դուրս եկավ երրորդ շրջան

17:12   18 հունվարի, 2023

Ռուսաստանցի Կարեն Խաչանովը դուրս եկավ Ավստրալիայի բաց առաջնության երրորդ շրջան։ Հայ թենիսիստը մրցեց աշխարհի 84-րդ ռակետ, ավստրալացի Ջեյսոն Կաբլերի հետ։ Աշխարհի 20-րդ ռակետն առավելության հասավ 6:4, 5:7, 6:4, 6:3 հաշվով։ Պայքարը տեւեց 2 ժամ եւ 53 րոպե։

Երրորդ շրջանում Կարեն Խաչանովի մրցակիցը կլինի աշխարհի 17-րդ ռակետ, ամերիկացի Ֆրենսիս Տիաֆոն, որը 6:4, 6:4, 6:1 հաշվով պարտության է մատնել չինացի Ցզյունչեն Շանին (194-րդ ռակետ)։

Ավստրալիայի բաց առաջնության մրցանակային հիմնադրամը 51,3 միլիոն դոլար է։

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։