Իտալիայի գավաթի խաղարկության 1/8 եզրափակիչում «Նապոլին» տանը մրցեց «Կրեմոնեզեի» հետ եւ պարտություն կրեց հետխաղային 11-մետրանոցներով։ Հիմնական ժամանակն ավարտվեց 2:2 հաշվով։
Առաջինը հաջողության հասան հյուրերը։ 18-րդ րոպեին խաղի հաշիվը բացեց Կոնգոն ներկայացնող կիսապաշտպան Շառլ Պիկելը։
Իտալացի Լուչանո Սպալետիի գլխավորած թիմից մինչեւ ընդմիջում աչքի ընկան բրազիլացի պաշտպան Ժուան Զեզուսն ու արգենտինացի հարձակվող Ջովանի Սիմեոնեն։
87-րդ րոպեին հավասարությունը վերականգնեց «Կրեմոնեզեի» գանացի հարձակվող Ֆելիքս Աֆենա-Գյանը։
Լրացուցիչ ժամանակում դարպասի գրավում չգրանցվեց։ 11-մետրանոցներն ավելի հաջող իրացրին «Կրեմոնեզեի» ֆուտբոլիստները՝ 5:4:
«Կրեմոնեզեն» դուրս եկավ քառորդ եզրափակիչ։
Իտալիայի գավաթ, 1/8 եզրափակիչ
«Նապոլի» - «Կրեմոնեզե»՝ 2:2, 11մ` 4:5 (տեսանյութ)
Ժուան Ժեզուս, 33, Ջովանի Սիմեոնե, 36 - Շառլ Պիկել, 18, Ֆելիքս Աֆենա-Գյան, 87
Հեռացում՝ Լեոնարդո Սերնիկոլա («Կրեմոնեզե»), 100, երկրորդ դեղին քարտ
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։