«Բարսելոնան» ֆուտբոլիստների փոխանակություն է առաջարկել «Ինտերին»
11:47 15 հունվարի, 2023Իսպանիայի փոխչեմպիոն «Բարսելոնան» հետաքրքրված է Իտալիայի փոխչեմպիոն «Ինտերի» խորվաթ կիսապաշտպան Մարցելո Բրոզովիչի ծառայություններով։ Կատալոնական ակումբը «Ինտերին» առաջարկել է Բրոզովիչին փոխանակել կոտդիվուարցի կիսապաշտպան Ֆրանկ Կեսիեի հետ, հաղորդում է gianlucadimarzio.com-ը։
26-ամյա Կեսիեն 2022թ․ ամռանն է ազատ գործակալի կարգավիճակում միացել «Բարսելոնային»՝ կնքելով չորս տարվա պայմանագիր։ Նրա նախորդ ակումբն իտալական «Միլանն» էր։ Իսպանացի Չավիի գլխավորած թիմում Կեսիեն մասնակցել է 16 հանդիպման, խփել 1 գոլ։
30-ամյա Բրոզովիչը 2015 թվականից է խաղում «Ինտերում»։ Ընթացիկ մրցաշրջանում նա մասնակցել է 12 հանդիպման, խփել 2 գոլ։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.