Լոնդոնի «Արսենալի» իսպանացի գլխավոր մարզիչ Միկել Արտետան ճանաչվել է Անգլիայի Պրեմիեր լիգայի լավագույն մարզիչ 2022թ․ նոյեմբեր-դեկտեմբերին տեղի ունեցած հանդիպումների արդյունքում, հաղորդում է մրցաշարի մամուլի ծառայությունը։
Արտետան այս մրցաշրջանում երկրորդ անգամ արժանացավ լավագույն մարզիչի մրցանակին։ Կարիերայում նա չորրորդ անգամ ստացավ այս մրցանակը։
Լավագույն կոչմանը հավակնում էին նաեւ Թոմաս Ֆրանկը («Բրենթֆորդ»), Էդի Հաուն («Նյուքասլ») եւ Յուրգեն Կլոպը («Լիվերպուլ»)։
Լավագույն խաղացող է ճանաչվել «Արսենալի» նորվեգացի կիսապաշտպան Մարտին Էդեգորը։ 24-ամյա ֆուտբոլիստը նոյեմբեր-դեկտեմբերին մասնակցել է 4 հանդիպման, խփել 3 գոլ, կատարել 3 գոլային փոխանցում։ Էդեգորը կարիերայում առաջին անգամ է ստանում այս մրցանակը։
Հավակնորդների թվում էին նաեւ Էրլինգ Հոլանդը, Կազեմիրոն, Բեն Մին, Ժոաու Պալինյուն, Մարկուս Ռեշֆորդը, Բուկայո Սական եւ Կրիան Տրիպիերը։
Faultless in Nov/Dec
— Premier League (@premierleague) January 13, 2023
Mikel Arteta is the @BarclaysFooty Manager of the Month! #PLAwards | @Arsenal pic.twitter.com/UGNYSeqSDq
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։