Տորեսն ու Սավիչը որակազրկվեցին «մենամարտի» համար (տեսանյութ)

16:52   11 հունվարի, 2023

Իսպանական Լա Լիգան որակազրկեց Մադրիդի «Աթլետիկոյի» չեռնոգորիացի պաշտպան Ստեֆան Սավիչին եւ «Բարսելոնայի» իսպանացի հարձակվող Ֆերան Տորեսին երկուական խաղով, հաղորդում է Լա Լիգայի մամուլի ծառայությունը։

Իսպանիայի առաջնության 16-րդ տուրի «Աթլետիկո» - «Բարսելոնա» (0:1) հանդիպման ավելացված ժամանակում Սավիչն ու Տորեսը վիճել էին եւ «խառը մենամարտի» անցել։ Երկուսն էլ հեռացվել էին։

Իսպանիայի առաջնության հաջորդ երկու տուրերում «Աթլետիկոն» կխաղա «Ալմերիայի» եւ «Վալյադոլիդի», «Բարսելոնան»՝ «Խետաֆեի» եւ «Ժիրոնայի» հետ։

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։