Նեպոմնյաշչին ու Դին Լիրենը շախմատային թագը կվիճարկեն ապրիլին

22:06   9 հունվարի, 2023

Շախմատի միջազգային ֆեդերացիան (ՖԻԴԵ) հաստատել է աշխարհի չեմպիոնական մրցամարտի անցկացման ժամկետը։

Ռուսաստանցի Յան Նեպոմնյաշչին ու չինացի Դին Լիրենը շախմատային թագը կվիճարկեն ապրիլի 7-30-ը, հաղորդում է ՖԻԴԵ-ի կայքը։

Մրցավայրը դեռ հաստատված չէ։ ՖԻԴԵ նախագահ Արկադի Դվորկովիչն ավելի վաղ նշել էր, որ ամենահավանական տարբերակը Մեքսիկան է։

Նեպոպմնյաշչին հավակնորդների մրցաշարի հաղթողն է, Դին Լիրենը գրավել էր երկրորդ տեղը։ Գործող չեմպիոն, նորվեգացի Մագնուս Կարլսենը պաշտոնապես հրաժարվել է պաշտպանել տիտղոսը։

Կարլսենը դեկտեմբերին Ալմաթիում նվաճեց արագ եւ կայծակնային խաղի աշխարհի չեմպիոնի տիտղոսները եւ այժմ համարվում է աշխարհի բացարձակ չեմպիոն։ Նա նաեւ համաշխարհային դասակարգման առաջատարն է։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։