Աշխարհի առաջին ռակետ Կառլոս Ալկարասը սոցիալական ցանցերում արած գրառումով հայտնել է, որ չի կարողանա մասնակցել «Մեծ սաղավարտի» առաջին մրցաշարին՝ Ավստրալիայի բաց առաջնությանը։ Նա ոտքի վնասվածք է ստացել մարզման ժամանակ։
«Մարզման ժամանակ կատարած պատահական շարժման ժամանակ ստացա ազդրի մկանային վնասվածք։ Շատ էի աշխատում, որպեսզի ամենաբարձր մակարդակի վրա դրսեւորեի ինձ Ավստրալիայում։
Ծանր ժամանակ է ինձ համար, բայց պետք է լինեմ լավատես, սթափվեմ եւ առաջ նայեմ։ Australian Open-ում կհանդիպենք 2024-ին»,- գրել է Ալկարասը։
Australian Open-ը կանցկացվի հունվարի 16-29-ը։ Անցած տարի տիտղոսը նվաճել է իսպանացի Ռաֆայել Նադալը։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։