ՊՍԺ-ն պարտություն կրեց՝ 1:3 (տեսանյութ)

01:42   2 հունվարի, 2023

Ֆրանսիայի առաջնության 17-րդ տուրում չեմպիոն ՊՍԺ-ն հյուրընկալվեց «Լանսին»։ Ֆրանսիացի Կրիստոֆ Գալտիեի գլխավորած թիմը պարտություն կրեց 1:3 հաշվով։

Արդեն 5-րդ րոպեին խաղի հաշիվը բացեց դաշտի տերերի լեհ կիսապաշտպան Պշեմիսլավ Ֆրանկովսկին։ 3 րոպե անց պատասխան գոլը խփեց ՊՍԺ-ի ֆրանսիացի հարձակվող Ուգո Էկիտիկեն։

28-րդ րոպեին «Լանսին» առաջ մղեց բելգիացի հարձակվող Լուա Օպենդայի գոլը։ 48-րդ րոպեին ֆրանսիացի Ֆրանկ Էզի գլխավորած թիմի երրորդ գոլը խփեց ֆրանսիացի կիսապաշտպան Ալեքսիս Կլոդ-Մորիսը։

Փարիզյան թիմի հարձակման առաջատարներից խաղում էր միայն ֆրանսիացի Կիլիան Մբապեն։ Արգենտինացի Լիոնել Մեսին դեռ չի վերադարձել արձակուրդից, բրազիլացի Նեյմարն էլ որակազրկված է անցած խաղում ստացած կարմիր քարտի պատճառով։

ՊՍԺ-ն առաջին պարտությունը կրեց այս մրցաշրջանում եւ 44 միավորով գլխավորում է մրցաշարային աղյուսակը, «Լանսը» հետ է 4 միավոր եւ երկրորդն է։

Ֆրանսիայի առաջնություն, 17-րդ տուր

«Լանս» - ՊՍԺ՝ 3:1 (տեսանյութ)

Պշեմիսլավ Ֆրանկովսկի, 5, Լուա Օպենդա, 28, Ալեքսիս Կլոդ-Մորիս, 48 - Ուգո Էկիտիկե, 8



© 2026 NEWS.am - Sport

The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.