ԱԱ․ Հայկ Մ․ Մարտիրոսյանը՝ բրոնզե մեդալակիր
16:35 30 դեկտեմբերի, 2022Հայաստանի ներկայացուցիչ, 22-ամյա Հայկ Մ․ Մարտիրոսյանը նվաճեց Ալմաթիում ավարտված շախմատի կայծակնային խաղի աշխարհի առաջնության բրոնզե մեդալը։ Նա 21 հնարավորից վաստակեց 15 միավոր։
Նույնքան միավորով երկրորդ տեղը գրավեց ամերիկացի Հիկարու Նակամուրան։
Չեմպիոնի տիտղոսը 6-րդ անգամ նվաճեց համաշխարհային դասակարգման առաջատար Մագնուս Կարլսենը՝ 16 միավոր։ Նորվեգացի գրոսմայստերը նվաճել էր նաեւ արագ խաղի աշխարհի չեմպիոնի կոչումը, չորրորդ անգամ։
Հայաստանի մյուս ներկայացուցիչներից կայծակնային խաղի աշխարհի առաջնությունում ամենաբարձր արդյունքը ցույց տվեցին Զավեն Անդրիասյանը (32-րդ տեղ), Տիգրան Լ․ Պետրոսյանը (33-րդ տեղ) եւ Շանթ Սարգսյանը (38-րդ տեղ), որոնք վաստակեցին 12,5-ական միավոր։
Կանանց առաջնությունում Հայաստանի ներկայացուցիչներից ամենաբարձր տեղը գրավեց Էլինա Դանիելյանը՝ 14-րդ։ Նա 17 հնարավորից վաստակեց 10,5 միավոր։
Երկրորդ տարին անընդմեջ չեմպիոն դարձավ 18-ամյա ղազախ Բիբիսարան Ասաուբաեւան՝ 13 միավոր։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.