Կարլսենը չորրորդ անգամ հռչակվեց արագ շախմատի աշխարհի չեմպիոն (ֆոտո)

Համաշխարհային դասակարգման առաջատար Մագնուս Կարլսենի հաղթանակով ավարտվեց Ալմաթիում անցկացված արագ շախմատի աշխարհի առաջնությունը։

Նորվեգացի գրոսմայստերը 13 հնարավորից վաստակեց 10 միավոր եւ չորրորդ անգամ նվաճեց արագ շախմատի աշխարհի չեմպիոնի տիտղոսը։ Երկրորդ եւ երրորդ տեղերը գրավեցին գերմանացի Վինսենտ Կեյմերը եւ ամերիկացի Ֆաբիանո Կարուանան, որոնք վաստակեցին 9,5-ական միավոր։

Հայաստանի ներկայացուցիչներից Մանուել Պետրոսյանը 8 միավորով գրավեց 24-րդ տեղը։ Զավեն Անդրիասյանը նույնքան միավորով 40-րդն է։ Հայկ Մ․ Մարտիրոսյանը 41-րդն է՝ 7,5 միավոր։ Գաբրիել Սարգսյանը նույնքան միավորով զբաղեցրեց 45-րդ տեղը։ Սամվել Տեր-Սահակյանն (62-րդ տեղ) ու Շանթ Սարգսյանը (66-րդ տեղ), Մամիկոն Ղարիբյանը (71-րդ տեղ) վաստակեցին 7-ական միավոր: Տիգրան Լ․ Պետրոսյանը 89-րդն է՝ 6,5 միավոր։

Դեկտեմբերի 29-ին կմեկնարկի կայծակնային խաղի աշխարհի առաջնությունը։

Moments of realisation Magnus Carlsen got his 4th world rapid championship title.

Photos by @LennartOotes #rapidblitz pic.twitter.com/ad7do0ZW2R

— International Chess Federation (@FIDE_chess) December 28, 2022