Ուժային եռամարտի Հայաստանի առաջնության բոլոր հաղթողները (ֆոտո)

Երեւանի Orange Fitness ակումբում ավարտվեց ուժային եռամարտի Հայաստանի առաջնությունը: Դեկտեմբերի 24-ից մեկնարկած մրցաշարում, ուժային եռամարտում մասնակցեց 60 մարզիկ, հաշմանդամային սպորտում՝ 47 մարզիկ: Երկրորդ մրցումային օրը մրցահարթակ դուրս եկան ուժային եռամարտի տղամարդկանց -105 կգ, -102 կգ եւ +120 կգ քաշային կարգերը, կանանց՝ -47 կգ, -52 կգ, -57 կգ, -63 կգ, -69 կգ, -76 կգ եւ +84 կգ քաշային կարգերի ներկայացուցիչները:

Կանանց պայքարում Հայաստանի առաջնությանը մասնակցում էին նաեւ ծանրամարտի կանանց Հայաստանի հավաքականի առաջատարներ, Եվրոպայի չեմպիոն Հռիփսիմե Խուրշուդյանը, Մ23 Եվրոպայի փոխչեմպիոն Տաթեւ Հակոբյանը եւ Տոկիոյի Օլիմպիական խաղերի մասնակից Իզաբելա Յայլյանը: Երեք ծանրորդներն էլ հռչակվել են ուժային եռամարտի Հայաստանի չեմպիոններ:

Տղամարդանց պայքարում չեմպիոններ են դարձել.

-59 կգ քաշային կարգ՝ Սամվել Հայրապետյան (եռամարտի արդյունք 430 կգ)

-66 կգ՝ Դավիթ Գասպարյան (480 կգ)

-74 կգ՝ Խաչիկ Հարությունյան (547 կգ)

-83 կգ՝ Կարեն Թադեւոսյան (585 կգ)

-93 կգ՝ Արամ Խաչատչյան (595 կգ)

-105 կգ՝ Կարեն Բեգլարյան (750 կգ)

-120 կգ՝ Ռոմիկ Մարգարյան (750 կգ)

+120 կգ՝ Հովհաննես Միքայելյան (670 կգ)

Կանանց Հայաստանի չեմպիոններն են.

-47 կգ՝ Անի Սահակյան (137 կգ)

-52 կգ՝ Մարիա Գեւորգյան (297 կգ)

-57 կգ՝ Իզաբելա Յայլյան (335 կգ)

-63 կգ՝ Էվելինա Հակոնյան (257 կգ)

-69 կգ՝ Իննա Ժիլկինա (365 կգ)

-76 կգ՝ Տաթեւ Հակոբյան (396 կգ)

+84 կգ՝ Հռիփսիմե Խուրշուդյան (416 կգ)

Ուժային եռամարտի Հայաստանի հավաքականի գլխավոր մարզիչ Սերգեյ Ասատուրովին գոհացնում է առաջնության արդյունքները:

NEWS.am Sport-ի թղթակցի հետ զրույցում գլխավոր մարզիչը նշեց նաեւ, որ առաջնության ընթացքում գրանցվել է նաեւ Հայաստանի 11 ռեկորդ:

«Արդյունքները գոհացնող են: Բարձր արդյունքներով ավարտեցինք առաջնությունը: Ունեցանք 11 նոր ռեկորդ: Հետաքրքիր էր կանանց պայքարը: Ուրախ եմ, որ առաջնությանը մասնակցեցին նաեւ ծանրամարտի կանանց Հայաստանի հավաքականի առաջատարները: Նրանց եւս փայլեցին եւ ռեկորդներ սահմանեցին:

Տղամարդկանց պայքարը եւս լավ ստացվեց: Նախորդ տարիների համեմատ համավարակով եւ ընդհանուր երկրի իրավիճակով պայմանավորված արդունքներում ունեցանք դինամիկայի նվազում: Տղաների պայքարում մեդալների քանակով ենք զիջում, բայց որակով աճ ունենք. այս տարի մենք ունեցանք երիտասարդների աշխարհի չեմպիոն: Այս արդյունքները հուսադրող են, ունենք ծրագրեր, նպատակներ, ավելի շատ կաշխատենք եւ կմասնակցենք աշխարհի, Եվրոպայի առաջնություններին, միջազգային մրցաշարերին, ծրագրում ենք նաեւ մասնակցել վետերանների մրցաշարերին:

Առաջին անգամ դոպինգ թեստով անցկացրեցինք առաջնությունը: Դոպինգ թեստ հանձնելուց հրաժարվողներ չենք ունեցել: Կսպասենք միջազգային հակադոպինգային գործակալության՝ WADA-ի պատասխաններին»,- ասաց Սերգեյ Ասատուրովը:

Լուսինե Շահբազյան