Արթուր Եդիգարյան. Ուկրաինան դուր է գալիս ինձ
11:52 26 հոկտեմբերի, 2012Կանենք ամեն բան բոլոր խաղերում միավորներ վաստակելու եւ տեղը Պրեմյեր լիգայում պահպանելու համար, հայտարարել է Հայաստանի ազգային հավաքականի եւ ուկրաինական «Գովերլայի» հենակետային կիսապաշտպան Արթուր Եդիգարյանը:
«Արդեն հարմարվել եմ նոր թիմում: Այստեղ հիանալի կոլեկտիվ է հավաքվել: Յուրաքանչյուր խաղում մենք խաղադաշտ ենք դուրս գալիս հաղթանակի համար: Կանենք ամեն բան բոլոր խաղերում միավորներ վաստակելու եւ տեղը Պրեմյեր լիգայում պահպանելու համար:
Ուկրաինան դուր է գալիս ինձ: Նախկինում ես եղել եմ այստեղ: 2006-ին Հայաստանի երիտասարդական հավաքականի հետ հանդես եմ եկել Խարկովում, իսկ «Փյունիկի» կազմում խաղացել եմ Դոնեցկի «Շախտյորի» դեմ:
Ուկրաինական Պրեմյեր լիգան ուժեղ առաջնություն է: Ինձ դուր է գալիս, որ այստեղ բավականին արագ եւ ուժեղ ֆուտբոլիստներ են հանդես գալիս: Կա ընտրված տակտիկա, տեխնիկա եւ ամեն ինչ: Ուկրաինայում հանդես եկող հայ ֆուտբոլիստների հետ միշտ կապի մեջ եմ լինում: «Մետալուրգից» Կառլեն Մկրտչյանի եւ Գեւորգ Ղազարյանի, իսկ «Շախտյորից»՝ Հենրիխ Մխիթարյանի հետ հաճախ ենք շփվում»,- Եդիգարյանի խոսքը փոխանցում է «Գովերլայի» պաշտոնական կայքը:
12-րդ տուրից հետո «Գովերլան» ութ միավորով գտնվում է նախավերջին՝ 15-րդ տեղում:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.