Դեշամի եւ Մբապեի մոտիվացնող խոսքը՝ ԱԱ-ի եզրափակիչի ընդմիջմանը (տեսանյութ)

12:42   21 դեկտեմբերի, 2022

Ֆրանսիայի հավաքականի գլխավոր մարզիչ Դիդիե Դեշամը աշխարհի առաջնության եզրափակիչ հանդիպման ընդմիջմանը հանդերձարանում կարճ եւ հուզական մոտիվացնող խոսք է ասել ֆուտբոլիստներին։ Տեսանյութը տարածվել է համացանցում։ Մինչեւ 80-րդ րոպեն Ֆրանսիան Արգենտինային պարտվում էր 0:2 հաշվով։

«Տարբերությունը հասկանո՞ւմ եք։ Տարբերությունն այն է, որ նրանք խաղում են այս եզրափակիչում, իսկ մենք չենք խաղում»,- ասել է Դեշամը՝ հարվածելով սեղանին։

Կարճ խոսք է ունեցել նաեւ հարձակվող Կիլիան Մբապեն։

«Սա աշխարհի առաջնության եզրափակիչն է, ամբողջ կյանքի խաղը։ Ամեն դեպքում՝ ավելի վատ չի լինի։ Մենք վերադառնում ենք խաղադաշտ եւ այլեւս թույլ չենք տալիս մրցակցին այդպես խաղալ։ Մենք կարող ենք վերադառնալ պայքարի մեջ։ Այսպիսի բան պատահում է չորս տարին մեկ»,- Մբապեի խոսքը մեջբերում է RMC Sport-ը։

Մբապեն եզրափակիչում դարձել էր հեթ-տրիկի հեղինակ։ Ֆրանսիան պարտվել էր հետխաղային 11-մետրանոցներով (2:2, 1:1, 11մ` 2։4)։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։