Մակրոնը հանդերձարանում աջակցել է Ֆրանսիայի հավաքականին (տեսանյութ)
16:22 19 դեկտեմբերի, 2022Ֆրանսիայի նախագահ Էմանուել Մակրոնը հանդերձարանում աջակցել է ազգային թիմին աշխարհի առաջնության եզրափակիչում Արգենտինայից կրած պարտությունից հետո (2:2, 1:1, 11մ` 2։4)։
«Ահռելի աշխատանքով կարողացանք 0:2-ից հետո հավասարեցնել։ Մբապեն ինչ-որ անհավանական բան արեց, բայց դա նաեւ ամբողջ թիմի աշխատանքն էր։ Թիմը վերջում վերադարձրեց կիրքը։ Ես անսահման հավատում էի մեր թիմին։ Եվս մեկ հրաշք գործեցինք լրացուցիչ ժամանակում։ Կոլո Մուանին մատչբոլ ուներ 123-րդ րոպեին, երբ սեյվ կատարեց դարպասապահը։
Մբապեն հրաշալի ֆուտբոլիստ է, նա դեռ 24 տարեկան է (կդառնա դեկտեմբերի 20-ին)։ Ես նրան հիշեցրի այդ մասին։ Նա դարձավ աշխարհի առաջնության լավագույն ռմբարկուն երկրորդ անգամ խաղաց եզրափակիչում, անցած առաջնությունում նվաճել է տիտղոսը։ Իհարկե, տխուր է, որ չհաղթեցինք, բայց ես հպարտանում եմ Մբապեով, թիմով։ Այսպիսին է սպորտը։
Ֆրանսիացիների երազանքը շատ մոտ էր իրականացման։ Այս գիշեր ծանր կլինի, բայց վաղը մենք պետք է վերադառնանք գրոհի։ Ես հպարտանում եմ ձեզանով»,- ասել է Մակրոնը։
Ֆրանսիայի նախագահը նաեւ հույս է հայտնել, որ 10 տարի ազգային թիմը գլխավորող Դիդիե Դեշամը չի հեռանա հավաքականից։
Նրա պայմանագիրը նախատեսված է մինչեւ դեկտեմբերի 31-ը։ Սպասվում է, որ Դեշամը կերկարաձգի համագործակցությունը մինչեւ Եվրո-2024-ի ավարտը։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.