Սկալոնի․ Մեսին պետք է Արգենտինայի թիմի հետ լինի նաեւ հաջորդ ԱԱ-ին
04:00 19 դեկտեմբերի, 2022Աշխարհի չեմպիոնի տիտղոսը նվաճած Արգենտինայի հավաքականի գլխավոր մարզիչ Լիոնել Սկալոնին հույս է հայտնել, որ թիմի ավագ, 35-ամյա հարձակվող Լիոնել Մեսին կմասնակցի նաեւ հաջորդ առաջնությանը։
«Մեսին պետք է Արգենտինայի թիմի հետ լինի նաեւ հաջորդ աշխարհի առաջնությանը։ Եթե նա ցանկանում է, 10 համարի խաղաշապիկը միշտ կլինի նրանը»,- Սկալոնիի խոսքը մեջբերում է Goal.com-ը։
Քաթար մեկնելուց առաջ Մեսին հայտարարել էր, որ վերջին անգամ է մասնակցում աշխարհի առաջնության։ Աշխարհի գավաթը նվաճելուց հետո նա հայտարարել է, որ չի պատրաստվում հեռանալ ազգային թիմից, սակայն միշտ երազել է կարիերան ավարտել աշխարհի չեմպիոնի կարգավիճակում։
Աշխարհի առաջնության եզրափակիչում Արգենտինայի թիմը 2018թ․ աշխարհի չեմպիոն Ֆրանսիային հաղթել է հետխաղային 11-մետրանոցներով (2:2, 1:1, 11մ` 4:2)։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.