Լինեկեր․ Մեսիին կարելի է համեմատել միայն Մարադոնայի հետ

16:37   18 դեկտեմբերի, 2022

Անգլիայի հավաքականի, «Լեսթեր Սիթիի», «Էվերտոնի», «Բարսելոնայի», «Տոտենհեմի» եւ «Նագոյա Գրամպուսի» նախկին ֆուտբոլիստ,  ֆուտբոլային հեռուստամեկնաբան Գարի Լինեկերը աշխարհի առաջնության լավագույն խաղացողի «Ոսկե գնդակ» մրցանակի ֆավորիտ է համարում Արգենտինայի հավաքականի եւ ֆրանսիական ՊՍԺ-ի 35-ամյա հարձակվող Լիոնել Մեսիին։

«Եթե Կիլիան Մբապեն եզրափակիչում հեթ-տրիկ կամ անհավանական մի բան չանի, ապա «Ոսկե գնդակը» կստանա Մեսին։

Լեոն գերազանց մարզավիճակում է մոտեցել աշխարհի առաջնությանը եւ անհավանական խաղ է ցուցադրում։ Հիշեք նրա անհավանական գոլը Մեքսիկայի դեմ խաղում, գոլային փոխանցումը Նիդեռլանդների հետ դիմակայությունում, լավագույն խաղացողի մրցանակը Ավստրալիայի դեմ խաղից հետո եւ անհատական անցումն ու գոլային փոխանցումը Խորվաթիայի դեմ կիսաեզրափակիչում, երբ Ալվարեսը խփեց Արգենտինայի երրորդ գոլը։

Բայց գոլերից եւ փոխանցումներից բացի կան մանրուքներ, որոնք մարդիկ չեն նկատում։ Երբ երեք կամ չորս խաղացող շրջապատում է Մեսիին, իսկ նա անսպասելի ելք է գտնում՝ դա է նրան առանձնանցում մյուսներից։

Ես չեմ տեսել Պելեի խաղը, բայց իմ կյանքում միայն Մարադոնայի հետ կարելի է համեմատել Մեսիին։ Նա անում է բաներ, որոնք մյուս մահկանացուները չեն կարող կրկնել»,- Լինեկերի խոսքը մեջբերում է ՖԻՖԱ-ի կայքը։

Աշխարհի առաջնության Արգենտինա - Ֆրանսիա եզրափակիչը կմեկնարկի Երեւանի ժամանակով 19:00-ին։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։