ԱԱ-2022․ Խորվաթիայի եւ Մարոկկոյի մեկնարկային կազմերը

17:49   17 դեկտեմբերի, 2022

Հայտնի են ֆուտբոլի Խորվաթիայի եւ Մարոկկոյի հավաքականների մեկնարկային կազմերը աշխարհի առաջնության երրորդ տեղի համար խաղում։

Խորվաթիա․ Լիվակովիչ, Ստանիշիչ, Պերիշիչ, Մայեր, Կովաչիչ, Կրամարիչ, Մոդրիչ, Լիվայա, Օրշիչ, Գվարդիոլ, Շուտալո։

Մարոկկո․ Բունու, Հակիմի, Ամրաբատ, Զիեշ, Սաբիրի, Բուֆալ, Էլ Յամիք, Էն-Նեսիրի, Դարի, Խանուս, Ատիատ-Ալլահ։

Բրոնզե մեդալների համար հանդիպումը կմեկնարկի Երեւանի ժամանակով 19:00-ին։

Այս հավաքականները կհանդիպեն երկրորդ անգամ։ Առաջինը եւս այս առաջնությունում էր։ Խմբային փուլի առաջին տուրում թիմերը խաղացել էին ոչ ոքի՝ 0:0։

Խմբային փուլում Մարոկկոն նաեւ 2:0 հաշվով հաղթեց Բելգիային, 2:1 հաշվով՝ Կանադային եւ խմբում 7 միավորով գրավեց առաջին տեղը։

Խորվաթիան 4:1 հաշվով պարտության մատնեց Կանադային, 0:0 հաշվով խաղաց նաեւ Բելգիայի հետ եւ 5 միավորով գրավեց երկրորդ տեղը։

1/8 եզրափակիչում Մարոկկոն հետխաղային 11-մետրանոցներով հաղթեց Իսպանիային։ Հիմնական եւ լրացուցիչ ժամանակն ավարտվել էր ոչ ոքի՝ 0:0։ Քառորդ եզրափակիչում Մարոկկոն 1:0 հաշվով հաղթեց Պորտուգալիային, իսկ կիսաեզրափակիչում 0:2 հաշվով պարտվեց աշխարհի չեմպիոն Ֆրանսիային։

Խորվաթիան 1/8 եզրափակիչում հետխաղային 11-մետրանոցներով պարտության մատնեց Ճապոնիային։ Հիմնական եւ լրացուցիչ ժամանակն ավարտվել էր 1:1 հաշվով։ Քառորդ եզրափակիչում Խորվաթիան դարձյալ 11-մետրանոցներով պայքարից դուրս թողեց Բրազիլիային՝ 4:2: Հիմնական ժամանակն ավարտվել էր 0:0, լրացուցիչ ժամանակը՝ 1:1 հաշվով։ Կիսաեզրափակիչում Խորվաթիան 0:3 հաշվով պարտվեց Ամերիկայի գավաթակիր Արգենտինային։



© 2026 NEWS.am - Sport

The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.