Բենզեման դժգոհ է Դեշամի վերաբերմունքից եւ եզրափակիչին ներկա չի լինի
12:18 17 դեկտեմբերի, 2022Աշխարհի չեմպիոն Ֆրանսիայի հավաքականի եւ Մադրիդի «Ռեալի» հարձակվող Քարիմ Բենզեման դժգոհ է ազգային թիմի գլխավոր մարզիչ Դիդիե Դեշամի վերաբերմունքից եւ դեկտեմբերի 18-ին Ֆրանսիայի նախագահ Էմանուել Մակրոնի հետ Դոհա մեկնելու մտադրություն չունի, հաղորդում է Libertad Digital-ը։
Աշխարհի առաջնության եզրափակիչում Ֆրանսիայի հավաքականը կմրցի Ամերիկայի գավաթակիր Արգենտինայի հետ։
Այս տարվա «Ոսկե գնդակի» դափնեկիրը ազդրի մկանային վնասվածքի հետեւանքով բաց է թողել աշխարհի առաջնության բոլոր հանդիպումները։ Բենզեման «Ռեալ» վերադառնալուց հետո մեկ շաբաթում ապաքինվել է եւ լիարժեք մարզումներ է անցկացնում իտալացի Կառլո Անչելոտիի գլխավորած թիմում, մասնակցել է նաեւ մեկ ստուգողական հանդիպման «Լեգանեսի» դեմ (1:1):
Բենզեման մնացել է Ֆրանսիայի հավաքականի հայտացուցակում եւ կստանա աշխարհի առաջնության մեդալ։
Աշխարհի առաջնության Արգենտինա - Ֆրանսիա եզրափակիչը տեղի կունենա դեկտեմբերի 18-ին եւ կմեկնարկի Երեւանի ժամանակով 19:00-ին։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.