Խորվաթիայի հավաքականի եւ Մադրիդի «Ռեալի» 37-ամյա կիսապաշտպան Լուկա Մոդրիչը վերջին հանդիպումը կանցկացնի աշխարհի առաջնություններում։
2018թ․ աշխարհի առաջնության փոխչեմպիոնները բրոնզե մեդալների համար կմրցեն Մարոկկոյի թիմի հետ։ Կիսաեզրափակիչում Խորվաթիան 0:3 հաշվով պարտվել էր Ամերիկայի գավաթակիր Արգենտինային, Մարոկկոն՝ 0:2 հաշվով աշխարհի չեմպիոն Ֆրանսիային։
«Սա կլինի իմ վերջին հանդիպումն աշխարհի առաջնություններում։ Այդ պատճառով պատրաստվում եմ խաղալ սրտանց եւ խաղադաշտում թողնել բոլոր ուժերս»,- Մոդրիչի խոսքը մեջբերում է Sportske Novosti-ն։
Խորվաթիա - Մարոկկո հանդիպումը տեղի կունենա դեկտեմբերի 17-ին եւ կմեկնարկի Երեւանի ժամանակով 19:00-ին։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։