Դեշամը կրկնեց Սկոլարիի ցուցանիշը ԱԱ-ներում
12:56 15 դեկտեմբերի, 2022Ֆրանսիայի հավաքականի գլխավոր մարզիչ Դիդիե Դեշամը կրկնեց Բրազիլիայի եւ Պորտուգալիայի հավաքականների նախկին գլխավոր մարզիչ Լուիս Ֆելիպե Սկոլարիի ցուցանիշը աշխարհի առաջնություններում։
Կիսաեզրափակիչում Մարոկկոյի թիմին 2:0 հաշվով պարտության մատնելու շնորհիվ Դեշամը աշխարհի առաջնություններում հաղթանակների քանակը հասցրեց 14-ի։ Ֆրանսիայի հավաքականը նրա ղեկավարությամբ ԱԱ-ներում անցկացրել է 18 հանդիպում։ Մնացած 4 խաղում Ֆրանսիան կրել է 2 պարտություն, 2 անգամ էլ բավարարվել ոչ ոքի արդյունքով։
Սկոլարիի ղեկավարած թիմերը աշխարհի առաջնություններում 21 խաղում են տարել 14 հաղթանակ։
Այս ցուցանիշով աշխարհի առաջնությունների ռեկորդակիրը գերմանացի Հելմուտ Շյոնն է՝ (16 հաղթանակ 25 խաղում)։
Դեշամը նաեւ չորրորդ մարզիչն է, որի ղեկավարած թիմը երկու առաջնությունում անընդմեջ հասնում է աշխարհի առաջնության եզրափակիչ։
Դիդիե Դեշամ, (2018, 2022)
Վիտորիո Պոցո, Իտալիա (1934, 1938)
Կառլոս Բիլարդո, Արգենտինա (1986, 1990)
Ֆրանց Բեկենբաուեր (1986, 1990)
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.