ԱԱ-2022․ Ֆրանսիան հաղթեց առաջին խաղակեսում (ֆոտո, վիդեո)

23:47   14 դեկտեմբերի, 2022

Ֆուտբոլի աշխարհի չեմպիոն Ֆրանսիայի հավաքականն աշխարհի առաջնության կիսաեզրափակիչում մրցում է Մարոկկոյի թիմի հետ եւ առաջին խաղակեսից հետո հաղթում է նվազագույն հաշվով։

Դիդիե Դեշամի գլխավորած թիմը խաղի հաշիվը բացեց արդեն 5-րդ րոպեին։ Գոլի հեղինակ դարձավ Իտալիայի չեմպիոն «Միլանի» 25-ամյա պաշտպան Տեո Էրնանդեսը (տեսանյութ

17-րդ րոպեին հաշիվը կարող էր կրկնապատկել «Միլանի» 36-ամյա հարձակվող Օլիվիե Ժիրուն, սակայն նրա հարվածից հետո Մարոկկոյին գոլից փրկեց ուղղահայաց դարպասաձողը (տեսանյութ

36-րդ րոպեին դարձյալ վտանգավոր պահ ստեղծեց Ֆրանսիայի հավաքականը, սակայն ՊՍԺ-ի 23-ամյա հարձակվող Կիլիան Մբապեի հարվածից հետո դրությունը փրկեց պաշտպանը, իսկ Օլիվիե Ժիրուն նույն դրվագում մի փոքր շեղ հարվածեց (տեսանյութ

44-րդ րոպեին անկյունայինից հետո Մարոկկոյի հավաքականի եւ իսպանական «Վալյադոլիդի» 30-ամյա պաշտպան Ջավադ Էլ Յամիկի հարվածից հետո Ֆրանսիային գոլից փրկեց ուղղահայաց դարպասաձողը։

Ընդմիջում է։

Հանդիպմանը տրիբունայից հետեւում է նաեւ Ֆրանսիայի նախագահ Էմանուել Մակրոնը։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։