Մոդրիչ․ Մրցավարը նշանակեց 11-մետրանոց, որը չկար
11:46 14 դեկտեմբերի, 2022Խորվաթիայի հավաքականի եւ Մադրիդի «Ռեալի» կիսապաշտպան Լուկա Մոդրիչը մեկնաբանել է աշխարհի առաջնության կիսաեզրափակիչում Արգենտինայի հավաքականից կրած 0:3 հաշվով պարտությունը։
«Այսօր ոչինչ չաշխատեց։ Առաջին գոլի դրվագում չկար 11-մետրանոց։ Մրցավարը դրանից առաջ պետք է անկյունային նշանակեր, բայց չարեց։ Նա նշանակեց 11-մետրանոց, որը չկար։ Մինչեւ առաջին գոլը մենք լավ էինք խաղում, վերահսկում էինք խաղը։
11-մետրանոցն էր պայքարի առանցքային դրվագը։ Հետո բաց թողեցինք երկրորդ գոլը, ինչից հետո ծանր էր վերադառնալ պայքարի մեջ։
Պետք է շնորհավորել Արգենտինային եւ վերջ»,- Մոդրիչի խոսքը մեջբերում է L'Equipe-ը։
Խորվաթիայի հավաքականը դեկտեմբերի 17-ին կմասնակցի բրոնզե մեդալի համար խաղին։ Եզրափակիչի երկրորդ ուղեգիրը դեկտեմբերի 14-ին կվիճարկեն Ֆրանսիայի եւ Մարոկկոյի հավաքականները։ Եզրափակիչը տեղի կունենա դեկտեմբերի 18-ին։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։