ԱԱ-2022․ Արգենտինան հաղթում է խորվաթներին առաջին խաղակեսից հետո (ֆոտո, վիդեո)
23:48 13 դեկտեմբերի, 2022Աշխարհի առաջնության կիսաեզրափակիչի առաջին դիմակայությունում հանդիպել են Ամերիկայի գավաթակիր Արգենտինան ու աշխարհի գործող փոխչեմպիոն Խորվաթիան։
Առաջին խաղակեսում 2:0 հաշվով առավելության հասան արգենտինացիները։
Առաջին հարվածը դարպասին եղավ միայն 25-րդ րոպեին։ Արգենտինայի հավաքականի եւ պորտուգալական «Բենֆիկայի» 21-ամյա կիսապաշտպան Էնցո Ֆերնանդեսը հեռվից հարված կատարեց։ Խորվաթիայի թիմի եւ Զագրեբի «Դինամոյի» 27-ամյա դարպասապահ Դոմինիկ Լիվակովիչը որսաց գնդակը։
Խաղի հաշիվը 34-րդ րոպեին բացեց Արգենտինայի հավաքականի ավագ, Ֆրանսիայի չեմպիոն ՊՍԺ-ի 35-ամյա հարձակվող Լիոնել Մեսին, որն արդյունավետ իրացրեց 11-մետրանոցը (տեսանյութ)։ Այն նշանակվել էր Անգլիայի չեմպիոն «Մանչեսթեր Սիթիի» 22-ամյա հարձակվող Խուլիան Ալվարեսի դեմ Լիվակովիչի խախտման համար։
Argentina's new all-time leading goalscorer at the #FIFAWorldCup pic.twitter.com/kZkMG2BxW3
— FIFA World Cup (@FIFAWorldCup) December 13, 2022
Delivering for their country... again! #FIFAWorldCup | #ARG pic.twitter.com/nCu9SW5Fys
— FIFA World Cup (@FIFAWorldCup) December 13, 2022
Մեսին աշխարհի առաջնություններում խփեց 11-րդ գոլը եւ գերազանցեց ազգային թիմի արդեն նախկին ռեկորդակիր Գաբրիել Բատիստուտայի ցուցանիշը (10 գոլ)։ Մեսին ընթացիկ առաջնության լավագույն ռմբարկուների մրցավազքում 5 գոլով հավասարվեց աշխարհի չեմպիոն Ֆրանսիայի հավաքականի եւ ՊՍԺ-ի 23-ամյա հարձակվող Կիլիան Մբապեին։
39-րդ րոպեին արգենտինացիների առավելությունը կրկնապատկեց Խուլիան Ալվարեսը, որը խաղադաշտի կենտրոնում փոխանցում ստացավ Մեսիից եւ միայնակ անցում կատարեց, հետ թողեց խորվաթների պաշտպաններին եւ գրավեց Լիվակովիչի պաշտպանած դարպասը (տեսանյութ)։
Արգենտինան 4 հարված կատարեց դարպասին, Խորվաթիան՝ ոչ մի հարված։
Ընդմիջում է։
#HRV #ARG #FIFAWorldCup pic.twitter.com/SrZRPqDvA9
— FIFA Fussball-Weltmeisterschaft (@fifaworldcup_de) December 13, 2022
Draußen | Drinnen#ARGCRO #FIFAWorldCup #ARG #HRV pic.twitter.com/iod7Q8G9Mw
— FIFA Fussball-Weltmeisterschaft (@fifaworldcup_de) December 13, 2022
Այս զույգի հաղթողը եզրափակիչում կմրցի աշխարհի չեմպիոն Ֆրանսիայի եւ Մարոկկոյի դիմակայության հաղթողի հետ։ Այդ խաղը տեղի կունենա դեկտեմբերի 14-ին։
Եզրափակիչը կանցկացվի դեկտեմբերի 18-ին։ Կիսաեզրափակիչում պարտված թիմերը դեկտեմբերի 17-ին կվիճարկեն բրոնզե մեդալները։
Աշխարհի ընթացիկ առաջնության խմբային փուլում Արգենտինային հավաքականը 1:2 հաշվով սենսացիոն պարտություն է կրել Սաուդյան Արաբիայից, 2:0 հաշվով հաղթել է լեհերին եւ մեքսիկացիներին։
Խորվաթիայի հավաքականը խմբային փուլում 0:0 հաշվով է խաղացել Մարոկկոյի եւ Բելգիայի հետ, 4:1 հաշվով հաղթել է կանադացիներին։
1/8 եզրափակիչում Արգենտինան 2:1 հաշվով հաղթել է Ավստրալիային, քառորդ եզրափակիչում էլ հետխաղային 11-մետրանոցներով 4:3 հաշվով պարտության է մատնել հոլանդացիներին։ Հիմնական ժամանակն ավարտվել էր 2:2 հաշվով։
Խորվաթիայի հավաքականը 1/8 եզրափակիչում պայքարից դուրս է թողել ճապոնացիներին՝ 11-մետրանոցներով հաղթելով 3:1 հաշվով։ Հիմնական եւ լրացուցիչ ժամանակն ավարտվել էր 1:1 հաշվով։
Քառորդ եզրափակիչում խորվաթները պայքարից դուրս են թողել բրազիլացիներին։ Հիմնական ժամանակն ավարտվել էր 0:0 հաշվով, լրացուցիչ ժամանակը՝ 1:1։ Հետխաղային 11-մետրանոցներով Խորվաթիան հաղթել էր 4:2 հաշվով։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.