Անչելոտի․ Ակնկալում էինք առանց անակնկալների առաջնություն, իսկ այստեղ այսպիսի շոկ
23:34 12 դեկտեմբերի, 2022Մադրիդի «Ռեալի» իտալացի գլխավոր մարզիչ Կառլո Անչելոտին սոցիալական ցանցերում արած գրառումով մեկնաբանել է աշխարհի առաջնության արդյունքները։
«Ակնկալում էինք առանց անակնկալների առաջնություն, իսկ այստեղ այսպիսի շոկ։ Մարոկկոն դուրս է գալիս կիսաեզրափակիչ՝ հաղթելով Իսպանիային եւ Պորտուգալիային, Խորվաթիան 11-մետրանոցներով հաղթում է աշխարհի հնգակի չեմպիոն Բրազիլիային։
Միայն Ֆրանսիան կարողացավ պաշտպանել ֆավորիտի կոչումը Տչուամենիի գերազանց գոլի եւ թիմի տեխնիկական ու ֆիզիկական ուժի ցուցադրման շնորհիվ»,- գրել է Անչելոտին։
Աշխարհի առաջնության կիսաեզրափակիչում դեկտեմբերի 13-ին կմրցեն Արգենտինան ու Խորվաթիան, դեկտեմբերի 14-ին՝ Ֆրանսիան ու Մարոկկոն։
Դեկտեմբերի 17-ին տեղի կունենա երրորդ տեղի համար խաղը, իսկ դեկտեմբերի 18-ին՝ եզրափակիչը։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.