Մոդրիչ․ Կարծում էի՝ Իսպանիան կհասնի կիսաեզրափակիչ
15:26 12 դեկտեմբերի, 2022Իսպանիայի չեմպիոն Մադրիդի «Ռեալի» եւ աշխարհի փոխչեմպիոն Խորվաթիայի հաբաքականի կիսապաշտպան Լուկա Մոդրիչի համար անակնկալ է եղել Իսպանիայի հավաքականի ձախողումն աշխարհի առաջնությունում։ Լուիս Էնրիկեի գլխավորած թիմը 1/8 եզրափակիչում պարտվել էր Մարոկկոյի թիմին (0:0, 11մ` 0:3)։
«Ես կարծում էի, որ Իսպանիան կհասնի առնվազն կիսաեզրափակիչ։ Նրաք շատ լավ թիմ եւ շատ լավ մարզիչ ունեին, բայց սա ֆուտբոլ է։ Հիմա որեւէ թիմի նկատմամբ հեշտ հաղթանակի հույս չկա։ Պետք է 100 տոկոս ջանք գործադրել։ Երբեմն դա էլ քիչ է լինում»,- Մոդրիչի խոսքը մեջբերում է RTVE-ն։
Աշխարհի առաջնությունից հետո Իսպանիայի հավաքականի գլխավոր մարզիչի պաշտոնում Լուիս Էնրիկեին փոխարինել է Իսպանիայի երիտասարդական եւ օլիմպիական հավաքականների նախկին գլխավոր մարզիչ Լուիս դե լա Ֆուենտեն։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.