Խրիստո Ստոիչկովը՝ աշխարհի առաջնության ամենամեծ հիասթափությունների մասին
10:30 12 դեկտեմբերի, 2022Բուլղարիայի հավաքականի եւ «Բարսելոնայի» նախկին ֆուտբոլիստ Խրիստո Ստոիչկովը նշել է աշխարհի առաջնությունում ամենամեծ հիասթափությունն ապրած հավաքականները։
«Բրազիլիան ամենամեծ հիասթափությունն է՝ հաշվի առնելով նրանց կազմը։ Նրանք չեմպիոնի գերազանց հավակնորդ էին, բայց ձախողվեցին։ Կարծում եմ՝ Տիտեն որոշ հարցերում սխալ էր։ Չի կարելի այդքան փոփոխություններ կատարել, կոտրել թիմի դինամիկան։ 5 փոփոխությունն օգտագործելու մոլուցքը ոչ մի իմաստ չունի։ Խաղը դադարեցվում է, ֆուտբոլիստներն ընկնում են ռիթմից։
Եւս մեկ մեծ ձախողում Գերմանիայից։ Կարմիր տագնապ է այդ թիմում։ Չունեն Կլինսման, Հասլեր, Մատեուս, Բրեմե։ Այո, կա Գյունդոգան, Գնաբրի, Մուսիալա, Կիմիխ, բայց այն չէ։
Պորտուգալիա՝ եւս մեկ ահավոր հիասթափություն։ Լավ խաղացողներ են, բայց առանց առաջատարի, հիմա էլ առանց Ռոնալդուի։ Նեյմարը նույնպես առաջատար չէր թիմում։ Նույնիսկ, Բրազիլիայում նրան չեն համարում առաջատար»,- Ստոիչկովի խոսքը մեջբերում է Sport.es-ը։
Աշխարհի առաջնության կիսաեզրափակիչում կխաղան Արգենտինան ու Խորվաթիան, Ֆրանսիան ու Մարոկկոն։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.