ՖԻՖԱ-ն հրաժարվել է ԱԱ-ն 2 տարին մեկ անցկացնելու գաղափարից
13:12 9 դեկտեմբերի, 2022Ֆուտբոլի միջազգային ֆեդերացիան այլեւս չի դիտարկում աշխարհի առաջնությունը երկու տարին մեկ անցկացնելու գաղափարը։ Այդ մասին հայտնել է կազմակերպության Գլոբալ զարցացման բաժնի ղեկավար Արսեն Վենգերը։
Լոնդոնի «Արսենալի» նախկին գլխավոր մարզիչը մոտ երկու տարի փորձում էր ՖԻՖԱ-ի անդամ երկրների ֆեդերացիաներին համոզել աշխարհի առաջնությունն ավելի հաճախ անցկացնելու նպատակահարմարությունը։ Եվրոպայի եւ Հարավային Ամերիկայի ֆեդերացիաները դեմ դուրս եկան եւ սպառնացին անցկացնել առանձին աշխարհի առաջնություն։
«Ինձ խնդրել էին մտածել աշխարհի առաջնությունն ամեն երկու տարին անցկացնելու մասին, ես էլ համարում եմ, որ վատ գաղափար չէ, բայց դա ենթադրում է որակավորման փուլերի վերանայում, ինչը բարդ է։ Հիմա մենք մնում ենք հավատարիմ քառամյա շրջափուլերին․ աշխարհի առաջնություն, Եվրոպայի առաջնություն, աշխարհի ակումբային առաջնություն»,- Վենգերի խոսքը մեջբերում է L'Equipe-ը։
Աշխարհի առաջնությունը երկու տարին մեկ անցկացնելուն կողմ էին աֆրիկյան եւ ասիական երկրների ֆեդերացիաները։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։