ՊՍԺ-ի նախագահ․ ԱԱ-ից հետո Մեսիի հետ ամեն ինչ կքննարկենք
23:48 8 դեկտեմբերի, 2022Ֆրանսիայի չեմպիոն ՊՍԺ-ի նախագահ Նասեր Ալ-Խելաիֆին հայտնել է, որ աշխարհի առաջնությունից հետո 35-ամյա արգենտինացի հարձակվող Լիոնել Մեսիի հետ կքննարկեն հետագա համագործակցությունը։
«Մեսին շատ երջանիկ է, եւ դա երեւում է նաեւ Արգենտինայի հավաքականում նրա ցուցադրած խաղից։ Երբ ֆուտբոլիստը երջանիկ չէ ակումբում, դա անդրադառնում է նաեւ ազգային թիմում մրցելույթների վրա։ Այս մրցաշրջանում Մեսին հրաշալի է խաղում ՊՍԺ-ում, շատ գոլեր խփեց եւ շատ գոլային փոխանցումներ կատարեց։
Պայմանավորվել ենք, որ աշխարհի առաջնությունից հետո կնստենք եւ ամեն ինչ կքննարկենք։ Երկու կողմն էլ ամեն ինչից գոհ է»,- Ալ-Խելաիֆիի խոսքը մեջբերում է Sky Sports-ը։
Մեսիի գործող պայմանագիրը փարիզյան ակումբի հետ նախատեսված է մինչեւ այս մրցաշրջանի ավարտը։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։